ພິ​ທີ​ເປີດ​ໂຕ​ທະ​ນາ​ຄານ​ພັດ​ທະ​ນາ​ຊົນ​ນະ​ບົດ​ຕາມ​ວິ​ໄສ​ທັດ​ໃຫມ່

ທາງ​ບໍ​ລິ​ສັດລາວ​ວາ​ລູ​ປະ​ເມີນ​ມູນ​ຄ່າ​ຊັບ​ສິນ ຖື​ເປັນ​ກຽດ​ຢ່າງ​ຍິ່ງ​ທີ​ໄດ້​ຖືກ​ຮັບ​ເຊີນ​ເຂົ້າ​ຮ່ວມ​ງານ​ເປີດ​ໂຕ​ທະ​ນາ​ຄານ​ນະ​ໂຍ​ບາຍ​ໃນ​ໂສມ​ໃຫມ່ ໃນ​ວັນ​ທີ 10/12/2025ນີ້

ທະນາຄານນະໂຍບາຍ ຖືກສ້າງຕັ້ງຂື້ນໃນປີ 2007 ໂດຍມີພາລະກິດທີ່ສຳຄັນຄື ສະໜອງສິນເຊື່ອ ໃຫ້ແກ່ປະຊາຊົນໃນ 47 ຕົວເມືອງ ໂດຍເນັ້ນປ່ອຍສິນເຊື່ອດ້ານຂະແໜງກະສິກຳເປັນຫລັກດ້ວຍອັດຕາດອກເບ້ຍທີ່ຕໍ່າ ເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ ແລະ ຫຼຸດພົ້ນຈາກຄວາມທຸກຍາກເທື່ອລະກ້າວຕາມພາລະບົດບາດໂດຍພາຍໃຕ້ການຊີ້ນຳຂອງລັດຖະບານ.

ໃນໄລຍະການເຄື່ອນໄຫວດຳເນີນທຸລະກິດຂອງທະນາຄານນະໂຍບາຍໃນ 18 ປີທີ່ຜ່ານມາ ກໍ່ຍັງມີຂໍ້ຈຳກັດຫຼາຍດ້ານເປັນຕົ້ນແມ່ນ: ແຫຼ່ງທຶນ, ການກຸ້ມຕົວເອງ, ການເຄື່ອນໄຫວງານ, ລະບົບເຕັກໂນໂລຊີ ແລະ ປະສິດທິພາບການດຳເນີນງານທີ່ບໍ່ສອດຄ່ອງກັບສະພາບປະຈຸບັນ ຈື່ງເຮັດໃຫ້ທະນາຄານນະໂຍບາຍເປັນໜື່ງໃນເປົ້າໝາຍວິສະຫະກິດທີ່ລັດຖະບານຕ້ອງໄດ້ປະຕິຮູບເພື່ອຕອບສະຫນອງທາງດ້ານແຫລ່ງທືນໃຫ້ແກ່ລູກຄ້າຢ່າງທົ່ວເຖີງແລະເພື່ອພັດທະນາທາງດ້ານລະບົບການດຳເນີນທຸລະກິດຫັນທິດໃຫ້ເປັນທະນາຄານທີ່ທັນສະໄຫມຫລາຍຂື້ນໂດຍສະເພາະທາງດ້ານລະບົບເຕັກໂນໂລຊີ່ແລະລະບົບການດຳເນີນງານຕ່າງໆໃຫ້ມີຄວາມສອດຄ່ອງແລະສາມາດຕອບສະຫນອງຄວາມຕ້ອງການຂອງລູກຄ້າພ້ອມທັງເຮັດສາມາດແຂ່ງຂັນກັບບັນດາທະນາຄານຕ່າງໆໃນປະຈຸບັນ.

ຈົນມາຮອດວັນທີ 10/12/25 ທະນາຄານນະໂຍບາຍຈື່ງໄດ້ປ່ຽນຊື່ຈາກທະນາຄານນະໂຍບາຍ (ທະນາຄານສະເພາະກິດ) ມາເປັນ ທະນາຄານພັດທະນາຊົນນະບົດ (ທະນາຄານທຸລະກິດສະເພາະ) ຢ່າງເປັນທາງການ ໂດຍປະຕິຮູບອົງກອນເນັ້ນຮູບແບບການເຄື່ອນໄຫວທຸລະກິດໃຫ້ມີຄວາມຫຼາກຫຼາຍ, ມີຄວາມຄ່ອງຕົວ ແລະ ສາມາດກຸ້ມຕົນເອງໄດ້

ພ້ອມນັ້ນ, ກໍໄດ້ປັບດ້ານວິໄສທັດ (Vision) ສ້າງໃຫ້ເປັນທະນາຄານບໍລິການທາງການເງິນ ໃນການສະໜັບສະໜູນການພັດທະນາຊົນນະບົດ ແລະ ປັບພາລະກິດ (Mission) ໃຫ້ມີຜະລິດຕະພັນ ແລະ ການບໍລິການ ການເງິນຄົບວົງຈອນ (ໃນເມື່ອກ່ອນແມ່ນມີພຽງແຕ່ສິນເຊື່ອ) ແລະ ຫັນມາເປັນທະນາຄານທີ່ທັນສະໄໝ ເພື່ອໃຫ້ມີຄວາມສາມາດໃນການແຂ່ງຂັນກັບບັນດາທະນາຄານຕ່າງໆໃນການດຳເນີນທຸລະກິດຂະແຫນງການທະນາຄານໂດຍແມ່ນລັດຖະບານເປັນຜູ້ຖືຮຸ້ນ100%.

         ໃນວາລະໂອກາດນີ້ ທ່ານ ຫຸມພັນ ໄຊຍະລາດ ປະທານ ບໍລິສັດ ລາວວາລູປະເມີນ ຊັບສີນ ຈຳກັດຜູ້ດຽວກໍໄດ້ເຂົ້າຮ່ວມແລະມອບກະຕ່າຂອງຂວັນເພື່ອສະແດງຄວາມຍິີນດີນຳທະນາຄານ ພັດທະນາຊົນນະບົດພ້ອມທັງກ່າວຄຳອວຍພອນ “ ຂ້າພະເຈົ້າຂໍສະແດງຄວາມຍີນດີນຳທະນາຄານພັດທະນາຊົນນະບົດແລະຂໍໃຫ້ທະນາຄານພັດທະນາຊົນນະບົດເປັນຫນື່ງໃນທະນາຄານທີ່ປະສົບຜົນສຳເລັດດ້ານການດຳເນີນທຸລະກິດດ້ວຍການກະຈາຍແຫລ່ງທືນປ່ອຍສີນເຊື່ອໃຫ້ແກ່ບັນດາປະຊາຊົນແລະຫົວຫນ່ວຍທຸລະກິດຕ່າງໆເພື່ອສ້າງຄວາມເຂັ້ມແຂງທາງດ້ານເສດຖະກິດຂອງປະເທດລາວໃຫ້ດີຂື້ນເທື່ອລະກ້າວແລະປະສົບຜົນສຳເລັດຕາມຍຸດທະສາດທີ່ວາງໄວ້.”

ທິມ​ຂ່າວ​ລາວ​ວາ​ລູ